ລາວ

ອົງການກວດກາ ແຫ່ງລັດ ພົບເຫັນ ການສໍ້ລາດ ມູນຄ່າ ມະຫາສານ

ປະຊາຊົນ ເດີນຂະບວນຕໍ່ຕ້ານການສໍ້ລາດບັງຫຼວງ ໃນນະຄອນ ຫຼວງວຽງຈັນ
ປະຊາຊົນ ເດີນຂະບວນຕໍ່ຕ້ານການສໍ້ລາດບັງຫຼວງ ໃນນະຄອນ ຫຼວງວຽງຈັນ
ຫຍໍ້ຫລືຂະຫຍາຍໂຕອັກສອນ - +
ຊົງຣິດ ໂພນເງິນ
ອົງການ​ກວດກາ​ແຫ່ງ​ລັດ ກວດ​ພົບ​ກາ​ນສໍ້​ລາດ​ບັງ​ຫຼວງ ທີ່​ເຮັດ​
ໃຫ້​ເກີດ​ການ​ຮົ່ວ​ໄຫຼ ຂອງ​ລາຍ​ຮັບ​ງົບປະມານ​ ຢ່າງ​ຫຼວງ​ຫຼາຍ
​ໂດຍ​ສະ​ເພາະ​ແມ່ນ​ໃນ​ໂຄງການ​ພັດທະນາ​ຕ່າງໆ ຂອງລັດຖະ
ບານ​ລາວ.

ຟັງລາຍງານ ກ່ຽວກັບອົງການ​ກວດກາ​ແຫ່ງ​ລັດ ຂອງລາວ
Laos Today 11-30i
 
ທ່ານ​ທອງ​ສີ ອ້ວນ​ລາ​ສີ ຮອງ​ປະທານ​ອົງການ​ກວດກາ​ແຫ່ງ​ລັດ ຖະ​ແຫຼ​ງຢືນ​ຢັນ​ວ່າ ​ໄດ້​ມີ​ການ​ກວດກາ​ພົບ​ການ​ປະຕິບັດ​ໜ້າ​ທີ່ ​ໂດຍ​ບໍ່​ສຸດຈະລິດ​ຂອງ​ບັນດາ​ພະ​ນັກ​ງານ​ຂອງ​ລັດຖະບານ​ລາວ​ ທີ່​ເຮັດ​ໃຫ້​ເກີດ​ການ​ເສຍ​ຫາຍ​ທາງ​ດ້ານ​ລາຍ​ຮັບ​ງົບປະມານ​ຂອງລັດ ຖະບານ​ລາວ ຫຼາຍ​ຂຶ້ນຢ່າງ​ຕໍ່​ເນື່ອງ ຕົວຢ່າງ​ເຊັ່ນ​ການກວດ​ພົບ​ ກາ​ນລັກ​ລອບ​ຕັດ​ໄມ້​ຫວງ​ຫ້າມ ​ເຊັ່ນ​ໄມ້​ຄະ​ຍຸງ 1,400 ກວ່າ​ແມັດ​ກ້ອນ​ ໃນ​ແຂວງ​ສະຫວັນ​ນະ​ເຂດ ​ເມື່ອ​ປີ 2007 ທີ່​ມີ​ເຈົ້າໜ້າ​ທີ່​ລັດຖະບານ​ 11 ຄົນ ​ໄດ້​ຮ່ວມ​ມື​ກັບ​ບັນດາ​ນາຍທຶນ​ດ້ວຍ ທັງ​ຍັງ
ໄດ້​ ກວດ​ພົບ​ ການ​ຍັກ​ຍອກ​ເງິນ​ໄປ ຈາກ​ຄັງ​ເງິນ​ ຂອງ​ແຂວງ​ຫຼາຍ​ກວ່າ 5.1 ຕື້​ກີບ​ອີກ​ດ້ວຍ.
 
ສ່ວນ​ຢູ່​ແຂວງ​ຄໍາ​ມ່ວນ ກໍ​ໄດ້​ກວດ​ພົບ ການ​ຮັບ​ສິນ​ບົນ​ໃນ​ໂຄງການ​ກໍ່ສ້າງ​ທາງ​ໃນ​ເຂດ​ເທດສະບານ ຄິດ​ເປັນ​ມູນ​ຄ່າ​ຫຼາຍ​ກວ່າ 12 ຕື້ ກີບ ​ແລະ​ໃນ​ປີ 2010-2011 ກໍ​ກວດ​ພົບ​ການ​ຮົ່ວ​ໄຫຼ​ຂອງ​ງົບປະມານ​ທີ່​ໃຊ້​ໃນ​ໂຄງການ​ຕ່າງໆ ​ເພື່ອ​ຮອງ​ຮັບ​ການ​ເປັນ​ເຈົ້າ ພາບ​ຈັດການ​ແຂ່ງຂັນ​ກິລາ​ຊີ​ເກ​ມສ໌ ຄັ້ງ​ທີ່ 25 ຢູ່​ລາວ ຄິດ​ເປັນ​ມູນຄ່າ ຫຼາຍ​ກວ່າ 1.5 ລ້ານ​ໂດ​ລ່າ ກັບ​ອີກ​ຫຼາຍ​ຮ້ອຍ​ລ້ານ​ກີບ.  
 
​ໃນ​ຂະນະ​ດຽວ​ກັນ ກໍ​ຍັງ​ກວດ​ພົບ​ວ່າ ​ໄດ້​ມີ​ການ​ຍັກ​ຍອກ​ເອົາ​ເງິນ​ໄປຫຼາຍ​ກວ່າ 10 ຕື້​ກີບ​ຢູ່​ໃນ ບາ​ງ​ແຂວງ ​ແລະ​ມີ​ພະນັກງານ​ລັດ 50 ກວ່າ​ຄົນ ທີ່​ໄດ້​ຮ່ວມ​ກັນ​ກະທໍາ​ຄວາມ​ຜິດ​ດັ່ງກ່າວ ​ແຕ່​ທີ່​ນັກ​ໄປ​ກວ່າ​ນັ້ນ ກໍ​ຄື​ການ​ກວດກາ 104 ​ເປົ້າໝາຍໃນ​ແຜນການ​ປີ 2012-2013 ທີ່​ຜ່ານ​ມາ ພົບ​ວ່າການ​ທຸດຈະລິດ ຂອງ​ບັນດາພະນັກງານ​ລັດ​ນັ້ນ ​ເຮັດ​ໃຫ້​ເກີດ​ ການ​ເສຍ​ຫາຍ​ ຫຼາຍກວ່າ 80 ຕື້​ກີບ ​ແລະ​ມີ​ຜູ້​ກະທໍາ​ຜິດ​ເຖິງ 472 ຄົນ ດັ່ງ​ທີ່​ທ່ານ​ທອງ​ສີ ​ໄດ້​ຖະ​ແຫຼ​ງຊີ້​ແຈງ​ວ່າ:
 
“ປີ 2012-2013 ນີ້ ທັງ​ຢູ່​ໃນ​ສູນ​ກາງ​ແລະ​ທ້ອງ​ຖິ່ນ ​ໄດ້​ດໍາ​ເນີນ​ການ​ກວດກາ​ລວມມີ 104 ​ເປົ້າໝາຍ ພົບ​ເຫັນ​ການ​ເສຍ​ຫາຍ 80 ກວ່າ​ຕື້​ກີບ ​ໃນ​ນີ້ ​ໄດ້​ເກັບ​ກໍາ​ກູ້​ຄືນ​ໄດ້​ຈໍານວນ​ນຶ່ງ ​ແລະ​ກໍມີ​ຜູ້​ກະທໍາ​ຜິດ 472 ຄົນ ພວກ​ທີ່​ກະທໍາ​ຜິດ​ດັ່ງ ກ່າວ ​ແມ່ນ​ຖືກ​ດໍາ​ເນີນ​ຄະດີ​ຕາມ​ລະ​ບຽບ ກົດໝາຍ.” 

ທ່ານ​ນາງ​ວຽງ​ທອງ ສີ​ພັນ​ດອນ ປະທານ​ອົງການ​ກວດກາ​ແຫ່ງ​ລັດທ່ານ​ນາງ​ວຽງ​ທອງ ສີ​ພັນ​ດອນ ປະທານ​ອົງການ​ກວດກາ​ແຫ່ງ​ລັດ
x
ທ່ານ​ນາງ​ວຽງ​ທອງ ສີ​ພັນ​ດອນ ປະທານ​ອົງການ​ກວດກາ​ແຫ່ງ​ລັດ
ທ່ານ​ນາງ​ວຽງ​ທອງ ສີ​ພັນ​ດອນ ປະທານ​ອົງການ​ກວດກາ​ແຫ່ງ​ລັດ

ກ່ອນ​ໜ້າ​ນີ້ ທ່ານ​ນາງ​ວຽງ​ທອງ ສີ​ພັນ​ດອນ ປະທານ​ ອົງການ​
ກວດກາ​ແຫ່ງ​ລັດ ​ໄດ້​ສະ​ເໜີ​ລາຍ​ງາຍ​ຕໍ່​ກອງ​ປະຊຸມ​ສະ​ໄໝ​ສາ
ມັນ ຄັ້ງ​ທີ 5 ຂອງ​ສະພາ​ແຫ່ງ​ຊາດ​ລາ​ວຊຸດ​ທີ 7 ​ໃນ​ເດືອນ​ກໍລະ
ກົດ​ທີ່​ຜ່ານ​ມານີ້​ວ່າ ສະ​ເພາະໃນ​ແຜນການ​ປີ 2010-2011 ​ໄດ້​
ກວດ​ພົບ​ ການ​ໃຊ້ຈ່າຍ​ງົບປະມານ​ ທີ່​ບໍ່​ເປັນ​ໄປ​ຕາມ​ແຜນການ
ທັງ​ຍັງ​ ເປັນ​ການ​ໃຊ້​ຈ່າຍນອກ​ບັນຊີ ຄິດ​ເປັນ​ມູນ​ຄ່າ​ ລວມ​ເຖິງ
1,933.33 ຕື້​ກີບ ຫຼື​ປະມານ 254 ລ້ານ​ໂດ​ລ່າ.
 
​ໂດຍ​ການ​ໃຊ້​ຈ່າຍ​ນອກ​ບັນຊີ​ດັ່ງກ່າວ​ນີ້ ​ແບ່ງ​ເປັນ​ໃນ​ດ້ານ​ແຜນການ​ງົບປະມານລາຍ​ຮັບ 416.58 ຕື້​ກີບ ​ແລະ​ໃນ​ດ້ານ​ແຜນການ​ງົບປະມານ​ລາຍ​ຈ່າຍ 1,516.75 ຕື້​ກີບຊຶ່ງ​ທຽບ​ໄດ້ ກັບ 2.9% ຂອງ​ລາຍ​ຮັບ​ທີ່​ຈັດ​ເກັບ​ໄດ້​ທັງ​ໝົດ 9.84% ຂອງ​ລາຍ​ຈ່າຍ ທີ່​ປະຕິບັດ​ໄດ້​ທັງ​ໝົດ ​ເທົ່າ​ນັ້ນກໍ​ຕາມ  ຫາກ​ແຕ່​ກໍ​ຕ້ອງ​ຖື​ວ່າ​ເປັນ​ການ​ຮົ່ວ​ໄຫຼ​ຂອງ​ງົບປະມານ​ລາຍ​ຮັບແລະ​ລາຍ​ຈ່າຍທີ່​ເພີ່ມ​ຂຶ້ນຈາກແຜນການ​ປີ 2009-2010 ​ໃນ​ລະດັບ​ທີ່​ສູງ​ພໍ​ສົມຄວນ ທັງ​ຍັງ​ເປັນ​ການສະ​ແດງ ​ໃຫ້​ເຫັນ​ເຖິງ​ການ​ປະຕິບັດ​ໜ້າ​ທີ່ຢ່າງ​ບໍ່​ສຸດຈະລິດ​ຂອງ​ບັນດາ​ພະນັກງານ​ລັດຖະບານ​ອີກ​ດ້ວຍ.
 
ທາງ​ດ້ານ ທ່ານ​ພູ​ເພັດ ຄໍາ​ພູນ​ວົງ ລັດຖະມົນຕີ​ວ່າການ​ກະຊວງ​ການ​ເງິນ ກໍ​ໄດ້​ຖະ​ແຫຼ​ງ ຢືນ ຢັນ​ວ່າ​ສາ​ເຫດ​ທີ່​ສໍາຄັນ​ປະການ​ນຶ່ງ ທີ່​ເຮັດ​ໃຫ້​ເກີດ​ການ​ຮົ່​ວ​ໄຫຼ​ຂອງ​ລາຍ​ຮັບ​ງົບປະ ມານ​ຂອງ​ລັດຖະບານ​ລາວ ກໍ​ຄື​ການ​ຫຼົບ​ຫຼ່ຽງ ການ​ຊໍາລະ​ພາສີ​ອາກອນ​ ຢ່າງ​ຖືກຕ້ອງ​ຂອງ​ບັນດາ​ຫົວໜ່ວຍ ທຸລະ​ກິດ ​ໂດຍ​ມີ​ພະນັກງານ​ພາສີ​ຂອງ​ລັດຖະບານ​ຈໍານວນ​ນຶ່ງ​ໃຫ້ການ​ຊ່ວຍ​ເຫຼືອ​ເພື່ອ​ແລກ​ກັບ ການ​ໄດ້​ຮັບ​ຜົນ​ປະ​ໂຫຍ​ດຕອບ​ແທນ​ສ່ວນ​ຕົວ
 
ໂດຍ​ສໍາລັບ​ໃນ​ແຜນການ​ປີ 2011-2012 ທີ່​ຜ່ານ​ມາ ທ່ານ ພູ​ເພັດ ກໍ​ໄດ້​ຍອມຮັບ​ວ່າ ການມີ ການ​ຮົ່ວ​ໄຫຼ​ຂອງ​ລາຍ​ຮັບ​ຈາກ​ພາສີ​ອາກອນ ຢ່າງຫຼວງ​ຫຼາຍ ​ເນື່ອງ​ຈາກ​ບັນດາ​ຫົວໜ່ວຍ​ວິ​ສາ​ຫະກິດຕ່າງໆ ທີ່​ດໍາ​ເນີນ​ທຸລະ​ກິດ​ການ​ຄ້າ​ຂາ​ອອກ​ຂາ​ເຂົ້າຄິດ​ເປັນ​ສັດ ສ່ວນ​ເຖິງ 90% ຂອງ ຫົວ​ໜ່ວຍ​ທຸລະ​ກິດ​ທັງ​ໝົດ​ໃນ​ລາວ ທີ່​ໄດ້​ແຈ້ງ​ຂໍ້​ມູນ​ທີ່​ບໍ່​ເປັນ ຄວາມ​ຈິງ ດ້ວຍ​ຫວັງ​ວ່າ​ຈະ​ເຮັດ​ໃຫ້ ມີ​ຜົນ​ກໍາ​ໄລຫຼາຍ​ຂຶ້ນ
 
ນອກຈາກ​ນີ້ ການ​ນໍາ​ເຂົ້າຍານພາຫະນະ ​ແລະ​ນໍ້າມັນ​ຂອງ​ບັນດາ​ບໍລິສັດ​ຕ່າງ​ຊາດ​ທີ່​ລົງທຶນ​ຢູ່​ໃນລາວ ທີ່​ໄດ້​ຮັບ​ການ​ຍົກ​ເວັ້ນພາສີ ​ແຕ່​ກໍ​ປາກົດ​ວ່າ ​ໄດ້​ມີ​ການ​ນໍາ​ຍານ​ພາຫະ ນະ​ແລະ​ນໍ້າມັນ ​ເຂົ້າມາ​ເກີນ​ຄວາມ​ຈໍາ​ເປັນ ​ເພື່ອ​ລັກລອບ​ຈໍາໜ່າຍ​ຢູ່​ໃນ​ລາວ ກໍ​ຄື​ອີກ​ສ​າ​ເຫດ​ນຶ່ງ ທີ່​ເຮັດ​ໃຫ້​ເກີດ ການ​ຮົ່ວ​ໄຫຼ​ດ້ວຍເຊັ່ນ​ກັນ.
ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ
ການລຽງລຳດັບ ຄວາມເຫັນ
ໜ້າ ໃນ 5 ໜ້າຄວາມເຫັນ
    ຕໍ່ໄປ 
ໂດຍ: ທ. ໄຊປະເສີດ ຈາກ: ນະຄອນຫລວງ 10.12.2013
10.12.2013 10:11
ຫລານເຫັນພວກເພິ່ນນຸ່ງເສື້ອຍ່າງເພື່ອຕ້ານການສໍ້ການສໍ້ລາດບັງຫລວງ, ຫລານຄິດອົດຫົວບໍ່ໄດ້ ເປັນຕາອາຍຊາວໂລກ ເປັນຕາເສຍ
ດາຍເສື້ອເອົປບໍລິຈາກເດັກນ້ອຍຜູ້ທຸກຍາກ ຍັງຊິດີກ່ວາ , ໂຕເອງສໍ້ໂກງ ແລ້ວມາຍ່າງຕ້ານໂຕເອງ ຢາກຕ້ານໄດ້ຖ້າກວດຜູ້ໃດກໍ່ລົງ
ໂທດ ຈັບແຕະມັນໃສ່ຄຸກຕວະ, ຄຸກພັດເຕັມອີກຍ້ອນມັນຫລາຍໂພດ ແຕ່ຂັ້ນເທິງຮອດລຸ່ມ ຈັກໃຜຊິຈັບໃຜ ແນວກິນນຳກັນ ແນວວ່າ
ພວກຜີປ່າມາບໍລິຫານປະເທດຊາດ ມັນກະຊິຫືອີ່ຫຍັງ, ປະເທດຊາດຫມົ່ນຫນອງຫມົດແລ້ວ ໂອຍເປັນຕາຫນ່າຍພວກຫົວຄວມມຸຍນິດ
ຂິ້ຕວະຫລອກລວງນີ້ເດໂຄດເບື່ອ ກ່ອນຊິຕາຍຄວນສ້າງຄວາມດີ ໃວ້ໃຫ້ລູກຫນານເຫັນແດ່ ຢ່າຊິພາກັນບ້າອຳນາດຫລາຍພໍ ແລ້ວ!
ຄໍາຕອບ

ໂດຍ: ບໍ່ຂໍອອກຊື່
10.12.2013 21:55
ເອົາຄວາມຈິງມາເວົ້າຫລາຍ ເພິ່ນເຮັດເພື່ອໃຫ້ ຕ່າງປະເທດ ບໍຕັດການຊ່ອຍເຫລືອລ້າ
ຄັນບໍເຮັດຄື ເຂົາກະບໍ່ຊ່ອຍ ກະບໍ່ມີເງິນມາປັນກັນ ຊື້ລົດ ຂີ່ອວດປະຊາຊົນ.

ໂດຍ: ຄົນຮັກຊາດ ຈາກ: ເມືອງຫົງສາ ແຂວງໄຊຍະບູລີ
10.12.2013 02:56
ຂ້າພະເຈົ້າຢູ່ເມືອງຫົງສາແຂວງໄຊຍະບູລີຂ້າພະເຈົ້າຢາກໃຫ້ອົງການກວດ ກາພັກລັດລົງມາກວດແດ່ວ່າເປັນຫຍັງຈື່ງມີການສໍ້ລາດ
ບັງຫຼວງຫລາຍແທ້ຢູ່ ເມືອງຫົງສາ ນີ້ນ໋າ ໂດຍສະເພາະແມ່ນ ເຈົ້າເມືອງຄົນປະຈຸບັນນີ້ ມີຊື່ວ່າທ່ານ ຄຳສີງ ສໍລະສຸກ ດຽວນີ້ເພີ່ນໄດ້
ຂາຍດີນດອນຕອນຫຍ້າທີ່ເປັນຂອງລັດທັງຫມົດທີ່ຢູ່ເມືອງຫົງສານີ້ ເຊັ່ນ: ຕະຫລາດ , ເດີ່ນກິລາ, ປ່າຊ້າຫຼືປ່າຮ່ຽວ, ດີນຫວ່າງທີ່ເປັນ
ຂອງລັດທຸກບ່ອນ ແລະຍັງບໍ່ນັບເຖິງເງີນຊ່ວຍຈາກບໍລິສັດ HONGSA POWER ຈຳກັດ ທີ່ຊ່ວຍໃນການພັດທະນາເມືອງ ແຕ່ເມືອງ
ບໍໄດ້ມາພັດທະນາຫຍັງເລີຍ ຫົວຫນ້າແຕ່ລະຫ້ອງການແມ່ນຮັ່ງມີຕັ້ງເຮືອນຫລັງໃຫຍ່ມີລົດຄັນງາມໆຂີ່ທຸກຄົນແທ້ນໍ....

ໂດຍ: ປະຊາຊົນຄົນຫນຶ່ງ ຈາກ: ເມືອງຫົງສາ, ແຂວງໄຊຍະບູລີ
10.12.2013 02:54
ຂ້າພະເຈົ້າຢູ່ເມືອງຫົງສາແຂວງໄຊຍະບູລີຂ້າພະເຈົ້າຢາກໃຫ້ອົງການກວດ ກາພັກລັດລົງມາກວດແດ່ວ່າເປັນຫຍັງຈື່ງມີການສໍ້ລາດ
ບັງຫຼວງຫລາຍແທ້ຢູ່ ເມືອງຫົງສາ ນີ້ນ໋າ ໂດຍສະເພາະແມ່ນ ເຈົ້າເມືອງຄົນປະຈຸບັນນີ້ ມີຊື່ວ່າທ່ານ ຄຳສີງ ສໍລະສຸກ ດຽວນີ້ເພີ່ນໄດ້
ຂາຍດີນດອນຕອນຫຍ້າທີ່ເປັນຂອງລັດທັງຫມົດທີ່ຢູ່ເມືອງຫົງສານີ້ ເຊັ່ນ: ຕະຫລາດ , ເດີ່ນກິລາ, ປ່າຊ້າຫຼືປ່າຮ່ຽວ, ດີນຫວ່າງທີ່ເປັນ
ຂອງລັດທຸກບ່ອນ ແລະຍັງບໍ່ນັບເຖິງເງີນຊ່ວຍຈາກບໍລິສັດ HONGSA POWER ຈຳກັດ ທີ່ຊ່ວຍໃນການພັດທະນາເມືອງ ແຕ່
ເມືອງບໍໄດ້ມາພັດທະນາຫຍັງເລີຍ ຫົວຫນ້າແຕ່ລະຫ້ອງການແມ່ນຮັ່ງມີຕັ້ງເຮືອນຫລັງໃຫຍ່ມີລົດຄັນງາມໆຂີ່ທຸກຄົນແທ້ນໍ....

ໂດຍ: ຄົນ ສີ່ພັນດອນ ຈາກ: ເມືອງ ໂຂງ ທີ 10.12.2013
10.12.2013 02:06
ເລື່ອງກວດເຫັນການສໍ້ລາດບັງຫລວງ ມັນກໍ່ຫາກມີມາແຕ່ດົນແຕ່ນານແລ້ວ ບໍ່ເຫັນວ່າຊິຮັດຫຍັງໄດ້ ເພາວ່າມັນໂກງແຕ່ເທິງລົງລຸ່ມ ໂກງ
ຫມົດທັງພັກລັດ ທັງລູກ,ທັງພໍ່ ທັງພີ່ທັງນ້ອງ ຜູ້ທີ່ບໍ່ໂກງກະມີ ບາງເທື່ອອາດຍັງບໍ່ທັນມີອກາດໂກງ ບາງຄົນພັດວ່າໃຫ້ປະກາດລາຍຊື່,
ເວົ້າຜີບ້າ ປະກາດ ກະຖືກພໍ່ແມ່,ອ້າຍນ້ອງກູເອງ ຫລືວ່າກູເອງຊໍ້າຊິຮັດແນວໃດແລ້ວ ຊາດນີ້,ຊາດຫນ້າກະແກ້ບໍ່ໄດ້ດອກ ມີ ແຕ່ແຕະລະ
ບອບຄອມມິວນິດຫນີ ໄປຢູ່ນຳແກວພຸ້ນ ປະຊາຊົນຈິ່ງຫລຸດພົ້ນຄວາມທຸກຍາກໄດ້ ຕາບໃດປະຊາຊົນ ຍັງຂາດສິດເສລີພາບ ບໍ່ມີປະຊາທິ
ປະໄຕ ຈ້າງກະບໍ່ຈະເລີນດອກ ພວກຜີປ່າ ແລະ ລູກຫລານຜີປ່າເອີຍ,ໂກງຫລາຍແລ້ວ ເຊີນໄປເບິ່ງປະເທດເສລີ ທີ່ເຂົມີປະຊາທິປະໄຕແດ່

ໂດຍ: ສຽງປະຊາຊົນ ຈາກ: ນະຄອນຫລວງວຽງຈັນ
09.12.2013 23:15
ຄືບໍ່ກວດເບິ່ງບັນຊີ ແລະ ຊັບສິນຂອງຍາດວົງຕະກຸນເຈົ້ານາຍລາວເປັນຕົ້ນຕໍ ເປັນຫຍັງຈິ່ງມີດິນກ້ວາງຫລາຍຕອນ,
ມີລົດຫລາຍຄັນ ແລະ ມີເງິນໃຊ້ຫລາຍແທ້ ແຕ່ເປັນພະນັກງານລັດທີ່ມີເງິນເດືອນຄືກັບພະນັກງານທົ່ວໄປ

ໂດຍ: ad ຈາກ: lao
09.12.2013 22:24
ຍາກໃຫ້ອົງການກວດກາລົງໄປກວດກາກ່ຽວກັບ ບໍລິສັດ ຫວຍລາວ ດິຈີຕ້ອນ ແນ່ ມັນໂກງຄົນລາວແບບຫນ້າຕາເຊີຍ
ຍາກໃຫ້ມີການທ້າຍຖວດສົດແນ່ເພື່ອຄົນໂປງໃສ່ແນ່

ໂດຍ: ໃຈຊື່ ຈາກ: ສະພາກາເຟ ນະຄອນຫລວງວຽງຈັນ
09.12.2013 04:33
ຊ່ຳກົດໝາຍລາວ ຊິກວດກາຫັຽງໄດ້ເພາະຜູ້ໃຫ່ຍພາເຮັດ ພາກິນ ພາລອກຫຼ່ວງ,ຫັວງຫລວງ
1/ ຜູ້ນຳສັ່ງ ທຸກຢ່າງບໍ່ມີຜິດ
2/ ທ່ານບັນດິດ ບໍ່ຊ່າງອະທິບາຍ
3/ ເຈົ້າທະນາຍ ບໍ່ຮູ້ໂຈດແລະຈຳເລີຍ
4/ ລູກເຂີຍແລະພໍ່ຕາ ບໍ່ຮູ້ຮີດຄອງ- ຊິກວດໄດ້ຢ່າງໃດທ່ານເອີຍ!!!

ໂດຍ: ຊຽງເງິນ ຈາກ: ຊຽງຂວາງ
09.12.2013 02:33
ການກວດກາຂອງພັກ-ລັດ ປະຈຸບັນຂ້າພະເຈົ້າຍາກໃຫ້ກວດການບັນດາໂຄງການກໍ່ສ້າງພື້ນຖານໂຄງຣ່າງຂອງບໍລິສັດທີ່ໄດ້ລົງທືນ
ໄປກອ່ນ,ເຫັນວ່າມູນຄ່າລາຄາການກໍ່ສ້າງແມ່ນຂື້ນນຳບລິສັດ,ຜູ້ອອກແບບ,ຜູ້ອະນຸມັດແຜນການເປັນຜູ້ວາງລາຄາເອງ,ພ້ອມກັນປັນ
ກິນຢ່າງມະຫາສານ.ສ່ວນການລໂລບວິຊາມານແບບອື່ນໆກໍ່ມີເຊັນດຽວກັນ.ຕົວຢ່າງການສ້າງທາງປູຢາງທືນທີ່ຍືມຈາກຕ່າງປະເທດ
ແມ່ນມີການປະມູນແບບສາກົນກໍ່ເຫັນວ່າມີຄຸນນະພາບແລະມູນຄ່າກໍ່ເຫັນວ່າເມາະສົມ,ແຕ່ວ່າຖ້າແມ່ນເງິນງົບປະມານຂອງລັດລາຄາ
ກໍ່ສ້າງແມ່ນບໍ່ມີຈຸດສຸດ,ແລ້ວແຕ່ຜູ້ອອກແບບຈະໄສ່ເທົ່າໃດກໍ່ໄດ້.ບັນຫານີ້ແລະພາໃຫ້ລັດຖະບານຕິດໜີ້ຕະລອດມາ,ຜົນຂອງການລົງ
ທືນຂອງບໍລິສັດກອ່ນແມ່ນມີຜົນເສຍຕົວເລກຂອງງົບປະມານປະຈຳປີ.ເພາະວ່າລາຄາເກີນເຫດໂພດ.

ໂດຍ: Uncle Khamtay ຈາກ: Laos
07.12.2013 22:36
Oh... it's bad thing for me now. why the ppl track all my income? now i have no idea to protect myself.

ໂດຍ: ท้าวหวา ຈາກ: หลวงน้ำทา
07.12.2013 19:23
ถ้าทุกคนเรัดแบบนิ้ปะเทดชาดเราจะๆเลินได้แนวใด
ໜ້າ ໃນ 5 ໜ້າຄວາມເຫັນ
    ຕໍ່ໄປ 

ຂ່າວຫລ້າສຸດ

ສຽງ ຫວຽດນາມ ກັບກຳປູເຈຍ ຮ່ວມກັນກົດດັນ ທາງການລາວ ກ່ຽວກັບ ເຂື່ອນໄຟຟ້າ ດອນສະຫົງ

ທາງການຫວຽດນາມ ກັບກຳປູເຈຍ ຮ່ວມກັນ ຮຽກຮ້ອງ​ໃຫ້ ລັດຖະບານ​ລາວ ທຳ​ການ​ສຶກສາ ຢ່າງຮ້ອບດ້ານ ​ຜົນ​ກະທົບ​ຕໍ່​ສັງຄົມ ​ແລະ​ສະພາບ​ແວດ​ລ້ອມທຳ​ມະ​ຊາດ ຈາກ​ໂຄງການເຂື່ອນ​​ໄຟຟ້າ​ດອນ​ສະ​ຫົງ
ອ່ານຕື່ມ

ວີດີໂອ ມີ 426 ຄົນ ແລ້ວ ທີ່ຖືກສົງໄສວ່າ ເປັນຊາວ ວີເກີ້ ທີ່ທາງການໄທ ໄດ້ຈັບໂຕໄວ້ (ວີດີໂອ ພາສາລາວ)

​ເຈົ້າໜ້າ​ທີ່​ແນ່​ໃຈ​ວ່າ ພວກ​ຄົນ​ເຫລົ່າ​ນັ້ນ ສ່ວນ​ໃຫຍ່ເປັນ​ຊາວວີ​ເກີ້ ທີ່ມາຈາກ​​ແຂວງ ຊິນ​ຈຽງ ຂອງ​ຈີນ ບ່ອນ​​ທີ່​ເຂົາ​​ເຈົ້າ​ປະ​ເຊີນ​ກັບ ການຖືກຈຳ​ແນ​ກ​ກີດ​ກັນ ແລະ​ການກົດ​ຂີ່​ທາງ​ສາສະໜາ.
ອ່ານຕື່ມ

ວີດີໂອ ພວກສະໜັບສະໜູນ ຣັດເຊຍ ຍັງສືບຕໍ່ຄອບຄອງ ຕຶກລັດຖະບານ ຢູ່ພາກຕາເວັນອອກຂອງ ຢູເຄຣນ (ວີດີໂອ)

ພວກຫົວແບ່ງແຍກ ຍັງສືບຕໍ່ ຍຶດຕຶກລັດຖະບານ ຢູ່ພາກຕາເວັນອອກ ຂອງຢູເຄຣນ ເຖິງແມ່ນໄດ້ ມີການບັນລຸຂໍ້ຕົກລົງ ກັບຣັດເຊຍແລ້ວ ກໍຕາມ.
ອ່ານຕື່ມ

ເຈົ້າໜ້າ​ທີ່​ ກ່າວ​ວ່າ ​ກັບຕັນ​ເຮືອ​ຂ້າມ​ຟາກ ບໍ່​ແມ່ນ ຜູ້​ກຳພວງມາໄລ ເວລາ​ເຮືອຂວ້ຳ​ (ສະໄລດ໌/ວີດີໂອ) ​

ຜູ້ຊ່ວຍກັບຕັນຄົນ​ນຶ່ງ ​ເປັນ​ຜູ້​ຖື​ພວງມາໄລ ​ເຮືອຂ້າມ​ຟາກ Sewol​ ​ແລະ ມີການສັນນິຖານກັນ​ວ່າ ​ ອາດ​ມີ​ການລ້ຽວ​​ເຮືອ ຢ່າງ​ກະທັນຫັນ ຈຶ່ງ​​ເຮັດ​ໃຫ້​ເຮືອ​ເລີ້ມງ່ຽງລົງ ​ຂ້າງ​ນຶ່ງ ແລະ​ຈົມ​ລົງ.​
ອ່ານຕື່ມ

ວີດີໂອ  ສຫລ ​ພິຈາລະ​ນາຄະ​ດີ ພະ​ສາສະໜາອິສລາມ ຫົວຮຸນ​ແຮງ ຈາກອັງກິດ (ວີດີໂອ)

ໄອຍະການລັດຖະບານກາງ ກ່າວວ່າ ນັກບວດ ຫົວຮຸນ​ແຮງ Abu Hamza al-Masri ໃຊ້​ສາ​ສະໜາ ​ເປັນສາກບັງໜ້າ ​ປິດ​ບັງ ບົດບາດ​ຂອງ​ຕົນ ​ໃນ​ການ​ປຸກລະດົມ​​ ກໍ່​ການ​ຮ້າຍຢູ່​ທົ່ວ​ໂລກ.​
ອ່ານຕື່ມ
ຕື່ມອີກ
ຈາວາສະກຣິບຕ໌ຂອງທ່ານບໍ່ໄດ້ເປີດຫຼືບໍ່ກໍອາໂດບແຟລສເພລເຢີຂອງທ່ານເປັນຮຸ່ນເກົ່າ
ວີອີໂອ ພາສາລາວ: ວິກິດການໃນຢູເຄຣນ ສ້າງຄວາມເສຍຫາຍ ແກ່ເສດຖະກິດຣັດເຊຍi
X
16.04.2014
ເຖິງແມ່ນຜູ້​ນຳ​ຣັດເຊຍ​ໄດ້​ຖື​ເບົາວ່າ ການ​ລົງ​ໂທດ​ທີ່ສະຫະລັດ ແລະສະຫະພາບຢູໂຣບ ​ໄດ້​ນຳ​ໃຊ້​ຕໍ່​ຢູ​ເຄຣນ​ ຈະ​ບໍ່​ມີ​ຜົນ​ກະທົບຫຍັງ​ຫລາຍກໍ​ຕາມ ​ແຕ່ບັນດານັກວິເຄາະກ່າວວ່າ ເງິນທຶນໄດ້ເລີ້ມຫຼັ່ງໄຫຼອອກຈາກປະເທດ ຂະນະ​ທີ່ພວກນັກລົງທຶນທີ່​ບໍ່​ຢາກ​ສ່ຽງ ພາກັນ ​​ເອົາ​ເງິນ​ໄປ​ລົງ​ທຶນ ຢູ່ບ່ອນທີ່ປອດໄພກວ່າ.