Policia e Kosovës thotë se përleshjet e mbrëmshme mes shqiptarëve dhe serbëve në Mitrovicë, kanë shkaktuar plagosjen e disa vetëve. 

Rreth 100 persona nga të dyja palët goditën me gurë njëri-tjetrin para se të ndërhynin paqeruajtësit e NATO-s dhe policia e OKB-së. Pati gjithashtu edhe të shtëna sporadike. 

Disa automjete u dëmtuan gjatë incidentit, përfshirë dy të misionit të OKB-së në Kosovë.