Senatori republikan Xhon Mekein po fillon fushatën
si kandidati zyrtar i Partisë Republikane për President, me ndalesa në
Uiskonsin, Miçigan dhe Kolorado.
Në një
tubim fushate në Sidërbërg të shtetit Uiskonsin, senatori Mekein premtoi të
luftojë korrupsionin dhe t¡Ši kundërvihet presionit të grupeve me interesa të
veçanta në kryeqytetin e vendit.
Zoti
Mekein e pranoi zyrtarisht dje emërimin e partisë së tij, në ditën e fundit të
kuvendit kombëtar republikan në Sejt Poll të Minesotës.
Në
fjalimin që mbajti mbrëmë, senatori veteran nga Arizona përqafoi imazhin e një
politikani që punon pa dallime partiake. Ai premtoi se bashkë me kandidaten për
nënpresidete, guvernatoren e Alaskës, Sara Pejlin, do të punojë për të
reformuar Uashingtonin.
Zoti
Mekein tha se partia e tij humbi besimin e popullit amerikan kur disa
republikanë nuk i rezistuan joshjeve të korrupsionit.
Por
senatori Mekein tha se ekziston një ndryshim i madh mes tij dhe kundërshtarirt
të tij demokrat, Barak Obama. Ai e kritikoi senatorin e shtetit Ilinoi për një
numër çështjesh, përfshirë ekonominë, arsimin dhe energjinë.
Me anë
të një deklarate sot, kandidati demokrat për nënpresident, Xho Bajdën, i bëri
sfidë pretendimit të zotit Mekein si një politikan që i kapërcen dallimet
partiake, duke vënë në dukje se ai ka votuar në 90 përqind të rasteve në
mbështetje të presidentit Bush. Në një deklaratë nga fushata e senatorit Obama,
thuhej se senatori Mekein shpërfilli faktin që kishte qenë pjesë e politikës së
Uashingtonit për gati 30 vjet.//lk
D rgoja k t tekst nj miku
Variant i leht p r t'u shtypur
