Bhanga guru renyika reReserve Bank of Zimbabwe rawedzera mari inotorwa neveruzhinji mumabhanga pazuva kubva pa $1000 ichienda pa $20.000 kubvira musi weMuvhuro. Izvi zvinotevera chikumbiro chesangano revashandi re Zimbabwe Congress of Trade Unions chekuti mari idzi dziwedzerwe. 

ZCTU yanga yati kana R-B-Z ikatadza kuphamhidzira mari idzi ichatora matanho akasimba musi wa 1 October.

Munyori mukuru weZCTU VaWellington Chibebe, vanoti vachaita musangano weGeneral Council neMugovera wekuzeya danho ratorwa ne RBZ iri.

VaChibebe vaudza Brenda Moyo weStudio7 kuti kana vashandi vakasagutsikana ne$20.000 yavakuzobvumidzwa kutora mumabhanga pazuva, hurongwa hwemusi wa 1 Gumiguru huchaenderera mberi.

Dzimwe Nhau Kubva kuStudio7...