Mabhizinesi makuru anogadzira tsvigiri anoti Hippo Valley ne Triangle Limited, anoti ari kukundikana kugadzira shuga nepamusana pemitemo yemitengo yezvinhu, iyo inoatadzisa kuisa mitengo yavanoda, kana kuti inoenderana nezvinhu zvavanenge vagadzira.

Bepanhau repa internet, re Zimbabwe Times rinoti makambani aya anoti kugadzirwa kwetsvigiri kuchadzikira kunyange hazvo vacharamba vachitengesa imwe tsvigiri kunze kwenyika, kuitira kuti vawane mari yekunze iyo inodiwa pakutenga zvinhu zvinodiwa pakugadzirwa kweshuga. 

Ukuwo veruzhinji munyika vari kuti vari kushaya zvimwe zvinodiwa pakurarama.

Sangano re Consumer Council of Zimbabwe rinoti shuga iri kuwanikwa pamukoto, iri kutengwa ne 25 Rands. Mafuta ekubikisa ari kuita 45 Rands pamarita maviri.

Ukuwo zvinhu zvakawanda zviri kuwanikwa pamukoto zviri kutengeswa nemari yekunze.

Patience Rusere weStudio7 aita hurukuro nemugari wekuChitungwiza, VaNoel Chitawana, pamusoro penyaya yedamudziko rechikafu. 

Dzimwe Nhau Kubva kuStudio7...