Bazi re United Nations rinoona nezve kupa rubatsiro, re Humanitarian Affairs, rinoti riri kutsvaga mari inoita  US$480 million  yekutengera vanhu vemuZimbabwe chikafu.

Bazi iri rinoti pari zvino raunganidza US$255 million, nokudaro riri kutsvaga imwe mari inoita US$225 million.

Mutauriri webazi iri, Muzvare Stepahnie Bunker, vanoti nyika dziri kubatsira nemari yekutengera vanhu vemu Zimbabwe chikafu dzinosanganisira America, Britain, ne Netherlands nedzimwewo.

Zimbabwe yakatarisana nenzra inotyisa, zvokuti vanhu vanosvika mamiriyoni mashanu, vachange vachida rubatsiro rwechikafu kudzamara nyika yakohwa zvakanaka gore rinouya.

Nyanzvi munyaya dzechikafu dzinoti hurumende inofanirwa kubatsira varimi nekuvawanira mbeu pamwe nefotereza kuitira kuti nyika ive negoho rakanaka gore rinouya.

VaFambai Ngirande ndivo mutauriri weNational Association of Non-Governmental Organisations, kana kuti NANGO.

Patience Rusere weStudio7 aita hurukuro naVaNgirande  kuti tinzwe kuti vanotambira seyi hurungwa hwe United Nations.

Dzimwe Nhau Kubva kuStudio7...