Bazi reCentral Statistical Office rinoti inflation yakasvika pa 231 million percent mumwedzi wa Chikunguru.

Izvi zvinoratidza kuti simba remari yemunyika riri kuparara zvinotyisa, sezvo muna Chikumi, hurumende yakazivisawo kuti inflation yepagore yakanga yasvika pa 11,2 million percent.

Nyanzvi munyaya dzezvehupfumi, VaJohn Robertson, vanoti mabatirwo ari kuitwa hupfumi munyika, ari kuratidza kuti huremu hwedhora hucharamba huchiderera uye inflation iyi inogona kuramba ichikwira zvakanyanya. VaRobertson vanoti ichi chiratidzo chikuru chekuti mitengo yezvinhu icharamba ichikwira.

VaNyasha Muchichwa inyanzvi munyaya dzezvehupfumi, uye vachishanda musangano reLabour and Economic Research Institute of Zimbabwe.

Carole Gombakomba weStudio7 aita hurukuro naVaMuchichwa avo vanoti zvabuditswa nehurumende izvi, hazviratidzi chokwadi chemamiriro akaita nyaya dzezvehupfumi.

Dzimwe Nhau Kubva kuStudio7...