Kusapera kwenhaurirano pakati peZanu PF neM-D-C kwava kuita kuti veruzhinji vashaye shumo yechibvumirano chekuumba hurumende yemubatanidzwa. Gakava riripo raunzwa nenyaya yekusada kweZanu PF kufuga gumbeze renyika nevamwe. Ukuwo M-D-C iri kuti ndiyo ine imbwa yabata mhuka, saka ndiyo inofanirwa kutora chityu.

Asi ruzhinji rwevanhu rwuri kuti ko, kana gakava raramba kupera, M-D-C yadii kubuda munhaurirano dzacho. 

Mukunzwawo pfungwa dzevamwe, Jonga kandemiiri weStudio 7, abata vanoongorora zvematongerwo enyika, uye vari Coordinator weN-C-A muSouth Africa, VaTapera Kapuya, pamwe naVaPhilip Pasirayi, Programs Manager weCrisis in Zimbabwe Coalition. 

Vaviri ava vati vanowirirana nepfungwa yekuti mutungamiri weMDC anofanirwa kubuda nekuchimbidza munhaurirano idzi, sezvo Zanu PF iri kuita zvedambe nehupenyu hwevanhu.

Dzimwe Nhau Kubva kuStudio7...